ქუთაისის საინფორმაციო ცენტრი პროექტის "გამჭვირვალეობის ხელშეწყობა და საზოგადოების ჩართულობა საქართველოს ენერგეტიკისა და წყალმომარაგების მარეგულირებელი ეროვნული კომისიის გადაწყვეტილების მიღების პროცესში" ფარგლებში პირველ საჯარო შეხვედრას 2012 წლის 28 ნოემბერს გამართავს. შეხვედრაზე დასასწრებად სემეკის წარმომადგენლების გარდა მოწვეულნი არიან როგორც ქუთაისში, ისე საქართველოს სხვა ქალაქებში მოქმედი არასამთავრობო ორგანიზაციები და მედია საშუალებები.
ქუთაისის საინფორმაციო ცენტრს ხშირად მომართავენ მოქალაქეები ბუნებრივი აირის ტარიფთან დაკავშირებით. კერძოდ, აბონენტები, რომლებიც გახდნენ ბუნებრივი აირის მომხმარებლები 2011 წლამდე, მათი გადასახადი ერთ კუბურ მეტრზე შეადგენს 51 თეთრს, ხოლო მოქალაქეები, რომლებიც ბუნებრივ აირს 2011 წლიდან მოიხმარენ , მათთვის საფასური 59 თეთრით განისაზღვრა.
