6-09-2012, 20:56
სამტრედიისთვის მეტად მნიშვნელოვანი საკითხების განხილვას დაეთმო მუნიციპალიტეტის საკრებულოს სხდომა. საკრებულოს თავმჯდომარემ ალექსანდრე ჯვარშეიშვილმა პრეზიდენტის სარეზერვო ფონდიდან სამტრედიისთვის დამატებით გამოყოფილ 660 000 ლარზე ისაუბრა, რომელიც სოციალურ და ინფრასტრუქტურულ პროექტებს მოხმარდება. 300 000 ლარი ლაშა თევზაძის ქუჩის მოასფალტებითვისაა განკუთვნილი. 120 000 ლარი ეროსი მანჯგალაძის სახელობის კულტურის ცენტრის რეაბილიტაციას მოხმარდება. 90 000 ლარით რკინიგზის სადგურის მიმდებარე ტერიტორია ასფალტო-ბეტონის საფარით დაიფარება. 60 000 ლარი ხის დამამუსავებელი კომბინატის ტერიტორიაზე საკანალიზაციო სისტემის რეაბილიტაციისთვის გამოიყო, ხოლო 90 000 ლარი შეჭირვებული ოჯახებისთვის ერთჯერადი დახმარებისთვის.
