რა პრობლემები არსებობს ქუთაისსა და რეგიონში, რა უნდა გაკეთდდეს იმისთვის, რომ მოიმატოს როგორც ვიზიტორთა რაოდენობამ, ისე მომსახურეობის ხარისხმმა. ეს იყო ის თემები, რომლებზეც გაიმართა საუბარი ტურიმის სფეროში დასაქმებულ პირებს, ტურიზმის საინფორმაციო ცენტრის, არასამთავრობო სექტრის , მედიის და ადგილობრივი ხელისუფლების წარმომადგენლების მონაწილეობით. შეხვედრას ორგანიზება ქუთაისის საინფორმაციო ცენტრმმა გაუწია. ეს იყო პირველი მცდელობა აღნიშნული ფორმატით დისკუსიის ორგანიზებისა. შეხვედრის მონაწილეთა განცხადებით, მნიშვნელოვანია გააქტიურდეს როგორც ადგილობრივი ხელისუფლების, ისე ტურიზმის საინფორმაციო ცენტრის საქმიანობა ახალი ტურისტული მარშრუტების და ქალაქის მეტად პოპულარიზაციის კუთხით. "ქუთაისი თავისუფლად შეიძლება გახდეს ჰაბი დასავლეთ საქართველოში ჩამოსული ტურისტებისთვის"-აღინიშნა შეხვედრაზე და გადაწყდა არასამთავრობო ორგანიზაციების და ტურისტულ ბიზნესში დასამებულთა თანამშრომლობით, შემუშავდეს რეკომენდაციები ადგილობრივი თვითმმართველობისთვის და მომზადდეს წინადადებები, რომლებიც შესაძლებელია მოხვდეს ტურიზმის განვითარების სტრატეგიაში.
