ადგილობრივი განვითარების ჯგუფის (რუმინეთი) უფროსი ექსპერტი გრუია ბადესკუ პროექტის ფარგლებში საქართველოში იმყოფებოდა. ქუთაისის საინფორმაციო ცენტრში იგი შეხვდა პროექტის ქართველ კოორდინაოტრს და ექსპერტს, რომლებმაც ყველა იმ აქტივობაზე მიაწოდეს ინფორმაცია, რომლებიც აღნიშნული მომენტისთვის საქართველოდან მონაწილე ქალაქებში ხორციელდება.
წყალტუბოს მუნიციპალიტეტის გამგეობაში გაიმართა წყალტუბოს ურბანული აღორძინების პროექტის გარემოსდაცვითი დოკუმენტაციის პრეზენტაცია.
შეკრებილ საზოგადოებას წყალტუბოს მუნიციპალიტეტში განსახორციელებელ პროექტებსა და დაგეგმილი სამუშაოების გარემოზე ზემოქმედების მოსალოდნელ შედეგებზე ამომწურავი ინფორმაცია მიაწოდეს საქართველოს მუნიციპალური განვითარების ფონდის გარემოს დაცვის ანალიზისა და განსახლების განყოფილების უფროსმა სპეციალისტმა ნინო პატარაშვილმა და ამავე ფონდის კონსულტანტმა გარემოსდაცვის საკითხებში ირაკლი კავილაძემ.
სამტრედიისთვის მეტად მნიშვნელოვანი საკითხების განხილვას დაეთმო მუნიციპალიტეტის საკრებულოს სხდომა. საკრებულოს თავმჯდომარემ ალექსანდრე ჯვარშეიშვილმა პრეზიდენტის სარეზერვო ფონდიდან სამტრედიისთვის დამატებით გამოყოფილ 660 000 ლარზე ისაუბრა, რომელიც სოციალურ და ინფრასტრუქტურულ პროექტებს მოხმარდება.
